شخباركم طيبين ان شاءالله... اتمنى للكل الخير والعافيه
حبيت أوريكم بعض صور رحلتنا وطلعتنا يوم الاربعاء اللي طاف وكان احلى شي في الرحله القمر (لا تفهموا غلط مو انا صح اني حلوههههه بس هنا اقصد القمر نفسه لانه موافق يوم قماري وكان موقع الرحله في البر وصحراء وتلال (
قرية المنصوريه)
والشي الثاني الطــبــخ يم يم يم يم بصراحه لذيذ
اممممممممممممممممم بس جبت لكم صور الطبخ خلونا نروح ونشوف
أول شي شبينا الضوء (النار)
وهنا بعد ما غسلنا الدجاج كويس وقطعناه انصاص حطيناه ف الصحن
وهنا قطعنا مع الدجاج طماطم وبطاطس وفلفل اخضر وقطعنا ليمونه بالنص علشان يطلع له نكهه حلوه (حركااات)
أما هنا جا وقت التبهير واللي يبهر توصى خلاه مثل ا
لحرااااق
وهنا قسمنا الدجاج مع الخلطه الى قسمين وحطيناه ف القسدير وحطينا معه معجون طماطم وشوية مويا علشان يصير نفس الادام (مرقه) وف نفس الوقت يكون لحم الدجاج طري والبطاطس
وبعد ما حطينا الدجاج والخلطه ف القسدير . لفينا القسدير وسكرناه باحكام من جميع الجهات علشان ينكتم وما يصير فيه تنسيم وحطيناه ع الجمـر
ممكن خليناه ساعه او ساعه الا ع الجمر وطلعناه وجبنا صحون وحطينا فيها كتشب والماينيز وزبادي
وجبنا معنا اسبير جبنه وطحينيه ههههه للي ما يعجبه دجاج كان هو واحد مايعجبه دجاج بس هذاك اليوم اكثر واحد اكل فينا دجاااج ( امدح طبخنا
) هههه
اي قبل انسى تفضلو معنا
بالنسبه لي انا جلست ف النص بين الصحنين وكنت آكل من هنا وهنا
كنت اصلح رجيم بس خرب لاني اكلت فوق طاقتي اقلكم ما احد يحكم ع الاكل الا اللي ذاقه ههههههه امدح كثير طبخنا
وان شاءالله ببداء رجيم بعد العيد ههههه
وبعد ما أكلنا والحمدلله سوينا هذاك الشاي ع الفحم اللي يرد الروح ويخليك تكيف مع الجو والقمر
وبعدها جلسنا نسولف ووووو......وسالفه من هذا وسالفه من هذاك وهبلك وهبلي لين الفجر
وقبل نرجع لبيوتنا جلسوا الشباب يتفنون بالنار ويكتبوا كتابات
أحدث الصور 
موضوع: الدجاج على الطريقة (المنصوريه) بالصور 
